x

Джонсон дементує, же одкладать договор з причіны америцькых волеб

00

Премєр Великобрітанії Борис Джонсон выголосив, же презідентьскы вольбы в Споєных штатах не мають жаден вплив на проходячі їднаня о односинах з Европсков унійов. Дементовав тым тверджіня денника The Observer, котрый писав, же премєр одкладать побрексітовый договор з Унійов, бо чекать на резултаты волеб в США. „Договор з Унійов і вольбы в США суть дві різны справы,“ цітовав в понедільок Джонсона маґазин Der Spiegel. Подля статі в The Observer бы Великобрітанія не підписала договор з Унійов в тім припаді, кебы вольбы выграв Трамп, котрый є прхыльником брексіту і наслідно бы ся зробив договор зо Споєныма штатами. Протикандідат Трампа Джов Байден є наопак веце прихылньком Унії. Його адміністратіва бы зато заміряла ся скоріше на обновліня односин з Унійов, котры Трамп в остатніх роках ослабив.

(Медвідь, TASR)

Прочітайте собі / Pročitajte sobi