Посланці Долной снімовні британьского парламенту голосували  вчера вечур против тройдньовому гармоноґраму одобрюваня пропозиції выконаваючого закона о брехітовім договорі. Одшмарили го пропорційов 308:322, інформувала телевізія Sky News. Джонсон передтым у розправі повів, же в такім припаді выпише передчасны вольбы. По голосуваню повів, же вітать, же посланці передтым по першый раз підпорили договір о брехіті, кедь голосували за пропозицію выконаваючого закона. ЕУ теперь за словами Джонсона мусить вырішыти, як ся поставить к його непідписаній жадости о троймісячный одклад датуму выступліня Британії з ЕУ, котрый му за його словами нанутили посланці. (TASR, Pkf)