Польскый презідент Анджей Дуда в понедільок выменовав нову владу урядуючого премєра Матеуша Моравєцького. Голосованя о довірі в парламенті, де має векшыну опозіція, ся очекує до двох тыжднів, інформує аґентура PAP. Моравєцького владнуча партія Право і справедливость здобыла у вольбах із 15-го октобра найвекшу кількость кресел, але не векшыну. Наперек тому єй Дуда повірив зоставліньом новой влады. Векшыну в нижній палаті парламенту, Сеймі, мають три опозічны субєкты. В припаді, же Моравєцькый в згоді з очекованями не здобуде довіру парламенту, презідент повірить сформованьом влады кандідата другой найвекшой парламентной партії, Доналда Туска із Гражданьской коаліції. Його партія підписала коалічный договор з Третьов драгов і партійов Нова лівіця.

(Медвідь, TASR)