Европска комісія (ЕК) офіціално вывернула  обвинїня мадярьской влады, же Европска унія підпорує масову міґрацію. Інформовала о тім аґентура АП. Говоркыня ЕК Міна Андревова у четверь выголосила, же ,,кампань мадярьской влады скреслює правду і снажыть ся вытворити чорный образ тайного спрісіганя, котре мать вести ку векшій міґрації до Европы.“ Европска комісія у своїм выголошїню твердить, же не планує завести повинны квоты про приїманя утеченцїв, а твердо боює проти обходованю з людми. Андревова увела, же мадярскы обывателї собі ,, заслужать факты а не вымыслы“. Правіцова влада премєра Віктора Орбана, котра мать уж довго незгоды з ЕУ з єднотливыми членьскыми штатaми оглядно міґрації, спустила у понедїлёк 18. фебруара пропаґачну кампань атаковану на председу ЕК Жана Клауда Йункера а мадярьско- америцького фінанчника Дорджа Сороса. Обидвох обвинює з намагы змусити Мадярьско, жебы прияло веце міґрантів.

                                                                                                       (TASR, Шутіова)