Україньскый презідент Володимір Зеленьскый у відеоприговорі при нагоді четвертой річніці російской інвазії выголосив, же Україна є приготовлена зробити „вшытко“, што буде в їй силах, жебы досягнути силный і тырвалый мір. Іронічно припомянув, же „днесь то суть точно чотыри рокы, як Владимір Путін перевзяв за три дні Київ.“ Зеленьскый повів, же ненаповніня того ціля російского веджіня выповідать о одпорі Українців, „о тім, як Україна цілый тот час войовала,“ і вказав на міліоны людей, „їх велику одвагу, тверду роботу, вытырвалость і путь, котру Україна перешла од 24-го фебруара 2022-го року“. Конштатовав, же при спомині на початок інвазії мають Українці повне право конштатовати, же собі хранили незалежность, не стратили державность, і Путін свої цілі на Україні не досягнув.

(Медвідь, TASR)