Рекордне чісло авт подля російскых штатных медії перекрочів міст споюючій Москвов окупуючій Кримскый півострів з Російов, што назначує, же істе чісло Русів, котры ся до реґіону настягували по російскій анексії в року 2014, одты теперь утікать. Пресаґентура TASR справу перевзяла з британьского денника The Guardian і станіці  Sky News. Російске штатне медіюм ТАСС з одкликаням ся на містьстну справу драг уваджать, же через Кримскый міст перейшло 15-го авґуста 38.297 авт. Sky News припоминать, же Кримскый міст через Керчскый перелив отворили в року 2018, то значіть штирі рокы по тім, што Росія анектовала Крим. Зявне рушаня людей настало по тім, кедь пришло ся на то, же у вівторок рано выбухнув склад муніції близько кримского міста Джанкой. (TASR, Pkf)