x

З передмістя Рима перестїговали по протестї неонацістів ромскы родины

00

Італійскы уряды перестїговали з передмістя Рима веце ромскых родин, котры там мали быти в рамках проєкту публічного бываня. К такому розгоднутю приступили по тім, як безпечність тамтышнїх Ромів огрожовали неонацістічны ґрупы, інформовала о тім у четверь аґентура АП. Ку пересуну Ромів дошло по протесті з вівторкового вечера, котрый удайно підбурёвали членове ултраправіцовой страны Форза Нуова і далшой ултраправіцовой ґрупы КасаПоунд. Італійска Таляньска справодайска телевізія  Sky TG24 одвысылала заберы десяток людей, котры у вівоторк ставяли барікады, жебы знеможнили ромскым родинам дістати ся до їх бітів. Вечур на місцї зачало горіти і авто, котре наслїдно загасили гасічі. Римска старостка Вірґінія Раґіова по інціденті говорила о ,, ненавістній клімі” і прислюбила, же уряды го будуть вышетрёвати як можне підбурёваня ку расовій ненавісти. Додала тыж, же ромскы родины враховано 33 дїтей меджічасом уквартелюють на інакшім місці.

(TASR, Шутіова)