Веце як пять міліярд евр з фондів Европской унії (EÚ) было в минулім року промарнено з причіны хыб і підфуків. Выходить то з вырочной справы Европского двора авдіторів (ECA), подля котрой  подїл так промарненого средства протів попередньому року ся звышыв. Пресаґентура TASR справу перевзяла з аґентуры Reuters. Авдіторы одгадують, же з прічіны хыб або підфуків ся в року 2021 промарнило коло три процента з цілковой сумы 181,5 міліярды евр розпочтового келчіка Европской унії. В порівняню з попереднім роком тот подїл ся звышыв о асі 0,3 процента. (TASR, Pkf)