Російскы ракетовы атакы од понеділька засягли скоро 30 процентів енерґетічной інфраштруктуры Україны. Вчера то в дебаті про справодайску станіцю CNN повів україньскый міністер енерґетікы Герман Галущенко. Як дале повів, же є то по першый раз од зачатку російской інвазії на Україну, што Росія “драматічно заміряла ся“ на енерґетічну інфраштруктуру. Єднов з причін є  подля нього тот факт, же україньскый єкспорт електрины до Европы “помагать европскым країнам шпорити на російскім пліні і углі“. Україна ся намагать “што найскоріше обновити припоїня з іншых джерел“, додав. (TASR, Pkf)