Комбінація двох інакшых давок вакцін протів захворіню COVID-19 буде можна лем в строго  шпеціфікованых сітуаціях. Пресову аґентуру TASR о тім інформувала говоркыня Міністерства здравотницьтва СР Зузана Еліяшова з тым, же іде о рекомандацію одборників. “Заключіня одборників так говорить о тім, же актуалні бы комбінація вакцін мала быти реалізувана в нашых условіях лем з причіны здравотной контраіндікації про поданя другой давкы той самой вакціны,“ увела Еліяшова. (TASR, Pkf)