Новый косовскый премєр Албін Курті в понедільок при нагоді 12-ой річніці выголошіня незалежности Косова навщівив Косовскы безпечностны силы і выголосив, же планує запровадити повинну воєнську службу. Інфомровав о тім портал Balkan Insight. Воєньскы експерты можливость реалізації того кроку спохыбнюють. Векшына западных держав одводы зрушыла як анахронізм у професіоналній армії. Безпечностный аналітік Беса Рамай про портал повів, же влада мусить продумати дакілько аспектів, котры зачінають вытратами, якы не сміють неґатівно овпливнити жывотну рівень жытелів, як і то, ці є то в згоді зо сучасныма трендами в западных державах.

(Медвідь, TASR)