Споєны штаты знова дають Кубу на список держав підтримуючіх терорізм, оголосив у понедільок америцькый міністер загранічых діл Майк Помпео. Інформовала о тім аґентура AFP. Подля аґентуры дослугуюча адміністратіва пробує на остатню хвілю змарити прирпадны намагы новозволеного презідента Джоа Байдена о змірніня діпломатічных напруг меджі тыма державами. На такзванім чорнім списку США суть моментално лем Іран, Сірія і Северна Корея. Куба была на списку до 1982-го до 2015-го року, коли єй із списку одстранив презідент Обама. Почас його влады дішло і к обновліню діпломатічных односин а обидві країны одкрыли свої амбасады на теріторії другой країны.

(Медвідь, TASR)