Прибудованя, реконштрукція многых оддїлїнь і вытворіня амбуланції буде реалізувати Шпиталь з поліклініков св. Якуба в Бардійові з фінанцій в рамках Плану обновы і одолности СР. Кінцьом мая підписав договор з резортом здравотницьтва. Дана сума представує 11,5 міліона евр з DPH і выволана інвестиція з боку шпиталя буде на уровні скоро єдного міліона евр за котру купить комютеры, компютерову техніку, дрібный гмотный маєток і меблї. Цільом проєкту буде прибудованя к главному моноблоку, реконштрукція ґінеколоґічно-породного оддїлїня, оддїлїня общой і уразовой хірурґії з місцьом єднодньовой здравотной старостливости, інтерного і ґеріятрічного оддїлїня і вытворіня інфектолоґічной амбуланції. Єдным з бенефітів про пацєнтів будуть єдно- і двопостельовы ізбы із самостатным соціалным заряджіньом. Дальшым бенефітом буде і высше чісло операцій.  Проєкт реконштрукції Шпиталя з поліклініков св. Якуба в Бардійові мать быти докінченый до кінця юна 2026-го року. Жрідло фотоґрафії: https://www.facebook.com/ZaLepsiBardejov/ (TASR, Pkf)