Европска унія в скорім часі представить свій 20-ый паклик санкцій односно Росії. В пості на соціалній сіті X, публікованім по телефонаті із україньскым презідентом Володиміром Зеленьскым, то в понедільок потвердила предсидателька Европской комісії Урсула фон дер Леєн. Аґентура Bloomberg із одкликаньом ся на свої дежерела написала, же в рамках нового паклика санкцій має быти і заказ імпорту міді а дакотрых платіновых металів із Росії. Подля фон дер Леєн є цільом звекшыти тиск на Росію, жебы пришла ку столу переговорів із щірым заміром досягнути мір.

(Медвідь, TASR)