Литва в понедільок обвинила Білорусь із „гібрідной атакы“ по тім, як десяткы балонів выпущеных пашераками повторяно нарушыли воздушный литовскый простор. Литва вдослідку того заперла свої аеропорты у Вільнюс і Каунасі на югу країны, як і свої послідні два гранічны переходы з Білорусьов. „Поважуєме то за гібрідну атаку,“ повіла новинарям литовска премєрка Інґа Руґініене. До тых інцідентів суть подля ньой залучены білоруськы уряды, кедьже проти особ, котры выпущали балоны, нияк не закрочіли. Подля білоруськой опозіції є доган із чорного рынку жрідлом приймів білоруського презідента Александра Лукашенка. Литовска армія має теперь позволіня такы балоны зострілити. Премєрка означіла запертя граніць за „одказ“ про Білорусь, же „гібрідны атакы не будуть толерованы“.

(Медвідь, TASR)