Мадярьско достане російскы і кітайскы взоркы вакцін проти коронавірусу

Мадярьско достане російскы і кітайскы взоркы вакцін проти новому коронавірусу, жебы їх могло отестовати. Інформовало о тім у четверь інтернетове выданя тыжденника Heti Világgazdaság (HVG) з одкликанём ся на прыспівкы міністра загранічных дїл Петера Сійартоа і штатного таёмника резорту діпломації Томаса Менцзера опублікованы на Фейзбуку. Міністер на відеозазнамі на Фейзбуку увів, же в змыслї договору з російскым міністром здравотництва Міхаілом Мурашком додать Росія в децембру мале множество вакцін, котре будуть мочі мадярьскы інштітуції тестовати. Подля слов міністра буде Росія схопна векшы множества додати од половины януара 2021. Менцзер повів, же мадярьска влада є ,,близко ку тому“, жебы достала взоркы такых вакцін на тестованя од кітайского выробцю.
(TASR, Шутіова)
-
Назад / Nazad Йое Біден мать уж 264 воличскых голосів.
-
Далше / Dalše Чеськы цолницї протягом контролї каміона нашли 48 міґрантів