Мадярьско прийде о часть фінанчных средств з Европской унії. Доводом є незаплатїня покуты за порушіня унійных азіловых правил, котру му уложыв Судный двір ЕУ іщі в лїтї, ознамила то в середу Европска комісія. Мадярьско концём авґуста не дотримало першый термін на заплатїня покуты, што екзекутіву ЕУ принутило заслати другу жадость о платбу з терміном до 17. септембра. І тоту мадярьска влада одіґноровала. ЕК зато актівує проти Будапешту такзваный ,, компензачный поступ“ а частку покуты одрахує з еврофондів придїленых Мадярьску. Компензачный механізм перебадать різны фінанчны пакликы, котры бы мали быти Мадярьску выплачены в наслїдуючіх тыжднях. Заты але не є ясне, котрой планованой платбы ся еврокомісія дотулить.

(TASR, Шутіова)