Мадярьско і Польща в понедільок в Бруселі на уровни послів членьскых держав при Европскій унії заблоковали схваліня довгодобого розрахунку Унії на рокы 2021 аж 2027 в сумі 1,1 біліона евр і з тым повязаный паклик на ожывліня европской економікы по коронакрізі в сумі 750 міліард. Інформовала о тім аґентура AFP. Мадярьска і польска влада тым дали знати свою незгоду з условным черьпаньом фінанчных средств Унії при дотримованю прінціпів правной державы. На такзваній кондіціоналіті договорили ся выїднавачі Европского парламенту і німецькой презідії в Раді Европской унії 5-го новембра. Договор у практіці значіть, же членьскы державы, котры не будуть дотримовати прінціпы правной державы, ріскують страту приступу ку фінанціям. Ціла справа буде правдоподобно рішена премєрами членьскых держав в рамках відеоконференції у четверь.

(Медвідь, TASR)