Депутаты нижньой коморы польского парламенту не схвалили в понедільок пропозіцію владной партії Право і справедливость, жебы Поляци могли в майовых презідентьскых вольбах голосовати выключно поштов. Інформовала о тім аґентура Reuters, подля котрой тым наростать неістота, ці про пандемію вольбы планованы на 10-го мая одбудуть ся. Владна партія говорить, же наперек пандемії бы вольбы мали проходити, зато пришла з пропозіційов голосовати лем поштов. Тоту пропозіцію підпорило в 460-членнім сеймі  228 депутатів, проти было так само 228 депутатів. Крітіци Право і справедливость обвинюють, же вырішыла пожертвовати здравя людей, лем жебы быв зновузволеный урядуючій презідент Анджей Дуда, котрый є їй політічным союзником і моментално веде в баданях общого мніня. В Польщі евідують 4201 припадів інфікації коронавірусом і 98 мертвых.

(Медвідь, TASR)