Лікарі в Білоросії зачали в понедільок громадно подавати выповіді. В сітуації, коли не мають право іти до штрайку, хотять такым способом протестовати проти „битя і арештованя“ своїх колеґів, докінця і в сітуаціях, коли на уліці давають поміч зраненым участникам протестів проти режіма Александра Лукашенка. Інформовав о тім сервер Euroline.by. Протестну акцію коордінує здружіня Білы плащі. Кампань подаваня выповідей зачала в понедільок і тырвать до 20-го новембра. Актівісты зо здружіня не уточнили, кілько лікарів ся до протесту залучіть, конштатовали лем, же їх є вельо. Лікарям, котры собі не можуть доволити дати выповідь, Білы плащі пропонують алтернатівны рішіня. Належать там різны формы повніня робочіх обовязків, котры зроблять тиск на здравотницьку сітему.

(Медвідь, TASR)