x

Матіо Салвіні хоче вытворити “Лігу ліг”

00

Председа італійской політичной партії Ліґа Северу Матео Салвіні хоче споїти намагу партнерьскых політічных субєктів у многых країнах, абы ся такым способом забезпечіло, жебы агенда ЕУ незатінила інтересы народных штатів. Інформувала о тім агентура АП. Салвіні, котрый в коалічній владі заставлять функцію міністра внутра, в неділю на вырочній стрічі членів і сімпатизантів Лігы Северу в североіталійскім місті Понтіда выголосив, же хоче розшырити свій політичный рух, котрый уж трансформовав з регіоналной на цілоштатну політичну силу. За його представами бы так в Европі мала взникнути “Ліґа ліґ” зєднуюча рухы, котры “хочуть хранити границі” своїх штатів і “благобыт своїх діти”.
(TASR)