Премєр Ізраела Бенямін Нетанягу у четверь пожадав меджінародне сполоченство, жебы вырубило далшы санкції на орґанізацію Гізбаллаг і одсудило єй актівіты. Іде о реакцію на обявіня тунелів, котры подля вшыткого дала выкопати споминана орґанізація і котры ідуть од югу Лібанону по север Ізраела. Нетанягу выголосив, же буде жадати, жебы ся кавзов занимала Беспечностна рада ОСН. Лібаноньске міністерство загранічных дїл у четверь інштруовало заступцю Лібанону в ОСН, жебы подав скаргу проти Ізраелу за то, же веде діпломатічну і політічну кампань проти Лібанону, котров ся намыгать приправити путь про аґресію. Ізраельска армада уж спустила не огранічену операцію Северный штїт заміряну на невтралізацію черезгранічных тунелів выбудованых Гізбаллагом.
(TASR, Цітрякова)
Фото: TASR/AP