x

Анантолій Антонов, російськый амбасадор вернув ся до Вашінґтону

00

Російськый амбасадор у Вашінґтоні Анатолій Антонов одлетів вчера назад до Сполученых штатів зо словами, же вірить у выбудованя “рівноцінных і праґматічных“ односин. Высловив ся так у звязку зо суммітом презідентів США і Росії, котрый ся одбыв в минулу середу у швайчарьскій Женеві і котрый быв заміряный на пониженя напятя меджі обідвома країнами, пише пресова аґентура AFP. Діпломатічны односины меджі Москвов і Вашінґтоном ся по наступі Бідена  до Білого дому скоро цалком перерушыли, кідь Біден обвинив  Кремель зо засягуваня до америцькых презідентьскых волеб і з подниканя компютеровых атаків. По тім, што Біден порівняв Путіна к убивцьові, Росія зробила не так частый крок і амбасадора Антонова поволала домів, але єдночасно ознамила, же і америцькый амбасадор Йогн Сулліван в Москві ся мусить вернути до Вашінґтону. Сулліван одыйшов з Москвы в апрілі і обідві країны взаємно ознамили одплатны санкції і выгощіня діпломатів. (TASR, Pkf)