Німецька армада призначіла за свого реліґійного радцю першого рабіна по 100 рокох як сімбол обновы жыдівского жывота по голокавсті. Інформує о тім аґентура AFP. Реліґійны радцове в армаді давають рады в етічных вопросах і спроваджають вояків при тренуваню ці дальшій едукації. Католицькы і еванґелічны духовны выконавають богослужбы про асі 94.000 християнів в рамках Бундесверу. Про жыдовскых вояків, котрых є коло 300, шак тот еквівалент покы небыв доступный. На тото місце вчера наступив 42-рочный Зсолт Балла, котрый ся народив в Мадярьску і службу жыдовскым воякам означів за „історічну одповідність“. (TASR, Pkf)