Мацедонскы посланці підпорили в неділю другым чітаням додаткы к уставі, котры мають дати можность змінити назву країны і укінчити так десяткы років тырваючій конфлікт з Ґрецьком. На основі юнового договору Мацедонії з Ґрецьком ся мать дотеперішна офіціална назва Бывала югослованска република Мацедонско змінити на нову – Република Северне Мацедонско. Цільом даного кроку є привести до порядку 27 років тырваючій конфлікт меджі Скопійов і Атенами, котрый быв про Мацедонців барєров в снагі вчленити ся до НАТО ці ЕУ.
(TASR)