Сербія в неділю зрушыла вердікт о выгоштіню выгнатя амбасадора Чорной Горы, абы так приспіла к змірніню напятя меджі двома країнами. Ознамила то сербска премєрка Ана Брнабічова, інформувала  о тім аґентура AFP. Подґоріца выголосила  в суботу амбасадора Владіміра Божовіча за нежелану особу за засягуваня до внутрішніх справ Чорной Горы по його высловах о історії. Белеград на то ознамив, же чорногорьскый амбасадор в Сербії Тарзан Мілошевіч достав 72 годин на одход з країны. Найновшый конфлікт обідвох країн прийшов в часі, кідь мать зложыти присягу нова просербска влада Чорной Горы. (TASR, Pkf)