Адміністратіва америцького презідента Доналда Трампа у четверь одняла право Гарвардовій універзітї приїмати загранчіных штудентів. Одыйти буде мусити приближно 6800 штудентів з веце як сто держав світа, котры в сучасности творять четвертину вшыткых штудентів на найпрестіжнішій америцькій універзітї, пише TASR подля справ аґентур  AP, AFP a Reuters. ,,Цертіфікація Гарвардовой універзіты про проґрам СЕВП (проґрам про загранічных  і выменных штудентів в США, позн. TASR) ся з неодкладнов платностёв рушыть,“ написала в листї презідентови Гарварду Аланови М.Ґарґерови америцька міністерка внутрїшнёй безпечности Крісті Ноемова. Гарвард так уж не буде мочі приїмати загранічных штудентів. Тоты сучасны мусять переступити на інакшу школу або стратять свій правный штатут.

(TASR, Шутіова)