Молдавскый парламент схвалив у четверь заказ высыланя російскых справодайскых проґрамів. Цїлём є забранити пошырёваню пропаґанды з боку Москвы в повязаню з войнов на Українї. Молдавскы телевізії так будуть мочі высылати лем російскы забавны релації, політічны ани аналітічны проґрамы поволены не будуть. Высыланя російскых справодайскых релацій было в Молдавії заказано уж од зачатку офензівы Москвы на Українї, але парламент тот закон офіціално схвалив аж у четверь в другім а зарівно послїднім чітаню. Новый закон заводить тыж покуты і далшы санкції за высыланя дезінформацій.

(TASR, Шутіова)