Москва в понедільок дементовала тверджіня аґентуры Reuters. Подля ньой бы російскый презідент Владімір Путін хотів оволодіти цілу теріторію України і здобыти назад часть Европы, котра даколи належала Совітьскому союзу. Інформації, на котры ся аґентура Reuters одклилкавать, походять од шестьох анонімных жрідел з оточіня америцькых справодайскых служеб. Інформують  о тім аґентиры TASS і Reuters. Аґентура Reuters увела, же даны америцькых справодайскых слижеб суть конзістентны од зачатку войны на Україні в році 2022. Подля єй жрідел ся у великій мірі згодують з поглядом европскых лідрів і справодайскых аґентур, же Путін тужыть здобыти  цілу Україну і  теріторію бывшых штатів совітьского блоку, вєдно днешніх членів NATO. (TASR, Пкф)