Кіпр в неділю вечурь представив пріоріты про приближаюче ся председницьтво в Раді Европской унії (ЕУ), котре перебере 1-го януаря 2026-го року. Заміряти ся хоче главно на незалежность ЕУ, безпечность і оборону, керуваня міґрації і продовжуючу підпору Україні. Інформує о тім станіця Euronews і аґентура CNA. Проґрам кіперского председницьтва представив презідент Нікос Хрістодилідес на події в селі Пано Лефкара. „О десять днів перебереме інштітуціоналны задачі і одповідность у відношеню до Европы, до нашых жытелів і до нашых дітей. Кіпыр є приправленый керувати. Стати ся на шість місяців голосом 27-ох членьскых штатів,“ выголосив. Председницьтво подля нього приходить в ключовім часі про ЕУ, кідь надале продовжує война на Україні і Европа противостоїть „інтензівным ґеополітічным вызвам“, котры перевірюють здатность, способность і єдноту  блоку. (TASR, Пкф)