Палестіньскый мілітантный рух Гамас в понедільок обвинив ізраільского премєра Бенъяміна Нетанъягу з намаг заборонити перемірю в Пасмі Ґазы тым, же до пропозіції договору жадать додати новы условія. Інформує о тім аґентура Reuters. Гамас мав дістати найновішы пожадавкы Ізраіля по переговорах в Римі, на котрых брали участь представителі Ізраіля, США, Еґіпта і Катару. Ізраільскы уряды обвиніня Гамасу не хотіли коментовати. Гамас намагать ся о договор о перемірю, котрый бы закінчів бої в Пасмі Ґазы. Нетанъягу твердить, же конфлікт заставить ся аж втогды, кедь ся цалком переможе Гамас. Незгоды суть і у вопросі договореных условій.

(Медвідь, TASR)