Лідер ґреческой опозічной партії Нова демокрація Кіріакос Міцотакіс зложыв у понедільок в презідентьскім палаці в Атенах святочну присягу і по перемозі в недільняйшых передчасных вольбах став новым ґреческым премєром. Інфомовала о тім аґентура Associated Press. Святочну присягу нового премєра вів атеньскый архієпіскоп Ієронімос ІІ. Міцотакісова Нова демокрація здобыла у вольбах 39,8 процента, вдяка чому в 300-членнім парламенті обсадить 158 кресел і буде мати векшыну сама. Партія Сіріза дотеперішнього премєра Алексіса Ціпраса здобыла 31,6 процента голосів. З парламенту выпали неонацісты, котры в нім мали депутатів сім років.

(Медвідь, TASR)