Німецька влада выголосила вчера вечур за різіковы області пять словацькых реґіонів – Братіславу, Жіліну, Пряшів, Нітру і Трнаву. На німецькый список різіковых області прибыли і ціла Ґрузія, Йорданско, Румунія ці Туніско і многы області Голандії, Булґарії, Хорватії, Латвії, Словенії ці Мадярьска. Актуалізуваный список опубліковав на своїй інтернетовій сторинці Інштитут Роберта Коха (RKI). За різіковы країны поважує Берлін тоты країны, в котрых чісло новых припадів інфікації перекрочіть 50 на 100.000 обывателів за послідніх сім днів. (TASR, Pkf)