Нїмецька влада од 15. юна зрушыть варованя про своїх жытелїв перед путями до 26 членскых країн Европской унії враховано Словакії. Подля аґентуры Reuters то в середу потвердив нїмецькый міністер загранічных дїл Геіко Маас. Доповнив, же ку рекомендаціям дотуляючіх ся далшых країн, як наприклад Турції, ся Берлін выядрить пізнїше. Неменованый владный здрой у віторок увів, же нїмецька влада хоче поволити путованя до 26 членскых штатів ЕУ, Великой Брітанії, як і до штирёх країн, котры не суть в ЕУ, але суть сучастёв шенґеньского простору- Ісланд, Ліхтенштайнско, Норско і Швейцарія.

(TASR, Шутіова)