Нїмецьке міністерство обраны в середу ознамило, же планує стягнути своїх вояків з Афґганістану скоріше, як первісно хотїло, а то уж до зачатку юла. Выголошіня Берліна пришло по тім, як США ознамили стягнутя своїх сил до 11. септембра, кедь буде 20. выроча терорістічных атаків ал-Каіды на теріторії США. Інформації принесли тисковы аґентуры AFP і DPA. ,,Сучасны увагы суть такы.., же ся скоротить період стягованя. Уважує ся над 4.юлом як конечным терміном стягнутя,“ повів говорця міністерства і підчеркнув, же рїшїня зробить Североатлантічна аліанція (NATO). NATO ся минулый тыждень договорило, же зачне стяговати своїх вояків з Афґганістану од 4. мая.

(TASR, Шутіова)