Мадярьскый премєр Віктор Орбан днесь повів, же бы позвав ізраельского премєра Беняміна Нетанягуа на навщіву Мадярьска а ґарантовав бы му, же затыкаючій розказ, котрый на Нетанягуа выдав Меджінародный трестный суд про подозрїня з войновых злочінів в Ґазі, бы ,,не быв дотриманый“. Меджінародный трестный суд з резіденціёв в Гаґу выдав у четверь затыкачі окрем Нетанягуа і на ёго бывшого міністра обраны Йоава Ґаланта а лідра воєньского крыла Гамасу Мугамада Дайфа за удайны злочіны проти людьскости і войновы злочіны в конфліктї в Ґазї. Орбан, котрого держава в сучасности председать ротуючому председництву ЕУ, про мадярьскый штатный розгас увів, же затыкач выданый Меджінародным трестным судом ,,не є правилный“ а додав, же Нетанягу буде мочі в Мадярьску выїднавати ,,в прімеранім безпечу“, цітує аґентура Reuters.

(TASR, Шутіова)