Острава дарує 25 електричок місту Конотоп на северовыходї Україны. У четверь наложыли першых шість, котры в найблизшых днях пошлють на Україну. Увело то чеське міністерство загранічных дїл, котре на транспорт додало три міліоны корун (приближно 123. 000 евр), інформує справодайкыня TASR. ,,Чуєме одповідность за то, жебы в тых тяжкых часох про Україну, Чехія дале помагала. Дарованя електричок є цїнне і в тім, же окрем самой помочі при обнові знищеного возового парку є вгоднов формов пропаґації чеськых выробків і фірем, котры можуть мати по скончіню войны выгодну штартовачу позіцію при обнові країны,“ увела Катеріна Секуенсова з резорту діпломації. Острава і україньскый Конотоп суть партнерьскыма містами. ,,Окрем 25 електричок сьме уж скоріше даровали конотопскым обчанім, догромады десять автобусів а гуманітарну поміч,“ повів наместник остравского пріматора про транспорт Бретіслав Ріґер.

(TASR, Шутіова)