Чеськый презідент Петр Павел выразив щіре співчутя родинам і прибузным жертв стрїльбы, котра ся одбыла у четверь на філозофічній факултї в центрї Прагы, інформує справодайкыня TASR. ,,Єм шокованый подїями на Філозофічній факултї Універзіты Карловой. Хотїв бы єм выразити щіре співчутя родинам і прибузным жертв, котры сі стрїльба выжадала,“ написав на соціалній сїтї X. На подїю реаґовали і далшы політіци. При стїльбі пришло о жывот найменше 15 людей а мінімално 24 є зраненых. Стрїлець быв подля слов чеського поліцайного презідента Мартіна Вондрашка штудентом школы.

(TASR, Шутіова)