Слова і діяня днешніх популістичных політиків в Европі припоминають выступліня Адолфа Гітлера з 1933-го року. Выголосив то папа Франціск в дебаті, котру вчера опубліковав брітаньскый католицькый тыжденник The Tablet. „Є цалком просте припомянути собі Гітлеровы выступліня з 1933-го року, котры ся аж так неодлишують од дакотрых выступлінь пару европскых політиків в сучасности,“ повів папа, котрого цітовала аґентура DPA. Свою думку далі нерозоберав. Цалосвітову пандемію коронавірусу шмарять подля нього “світло на фалошність“. Многы люде з політичнов одповідностьов правда обіцяють, же боюють против коронавірусу а против голоду, но надалей вырабляють збрані. (TASR, Pkf)