Платы мадярьскых судцїв і прокураторів ся підвышыли в проходячіх трёх роках в трёх етапах цїлково о 60 процент, інформовала о тім у віторок в Будапештї міністерка справодливости Юдіт Варґова в приспівку на своїм контї на Фейсбуку. Управа платів, котрой резултатом є основна груба мзда у вышцї 566.660 форінтів (1541 евр), котру доповняють функчныма приплатками і приплатками за служобный період, ся доткне скоро 3000 судцїв і 2000 прокураторів. Подля вебовой сторінкы Цїлоштатной рады судцїв в роцї 2017 были платы мадярьскых судцїв на концю драбинкы платів судцїв в Европскій унії, причім высшы платы од мадярьскых мали іщі і румуньскы а булгарьскы судцёве.

(TASR, Шутіова)