Покля США запровадять санкції, Турція буде одповідати
![](https://www.rusyn.fm/wp-content/uploads/2019/07/t_Turkey_US_Russia219085630984.jpg)
Турція зробить протикрокы, покля на ню дають Споєны штаты санкції за накупліня російской сістемы противоздушной обороны S-400. Выголосив то в понедільок турецькый міністер загранічных діл Мевлут Чавушоґлі, подля котрого бы были такы санкції наприятельны. В телевізнім розговорі дале повів, же америцькый презідент Трамп не хоче санкції. Міністер подля властных слов ани не очекує, же бы америцька адміністратіва таке рішіня прияла. Анкара минувшый тыждень апеловала на Вашінґтон, жебы одкликав своє рішіня о заблокованю приступу Турції ку проґраму вывоя мултіфункчного бойового летадла F-35. Тото рішіня має быти реакційов на накупліня російской сістемы противоздушной обороны, што меджі Турційов і Споєныма штатами выкликує довгодобе напятя.
(Медвідь, TASR)
-
Назад / Nazad Папа жадать Асада, жебы хоронив жывоты цівілістів
-
Далше / Dalše Британьска Конзерватівна партія мать нового лідра