Спідня комора польского парламенту (Sejm/ Сейм) у четверь схвалила пропозіцію закона, котрый становив голосованя поштов за єдиный можный способ участи на презідентьскых вольбах, пише аґентура DPA. Сейм пропозіцію закона схвалив простов векшынов в помері 236 ку 213 голосом. Леґіслатіву мусить іщі підписати презідент. Польскы презідентьскы вольбы ся мали одбывати тоту недїлю. Шеф владнучой страны Право і справедливость Ярослав Качінскі ознамив, же вольбы ся пересунуть на пізнїшый датум. Но наградный термін волеб іщі натеперь небыв становленый.

(TASR, Шутіова)