Польскы польногосподарі зрушыли блокады на гранічных переходах з Українов і закінчіли два місяці тырваючій протест проти імпорту україньскых польногосподарьскых выробків, інформує аґентура AFP. Подля них україньскы выробкы несправедливо конкуровали домашній продукції і знижовали ціны на польскім рынку. Польща влони запровадила дочасне ембарґо на україньске зерно. Варшава певно підтримує Україну, котра воює проти росісйкой інвазії, но незгоды в повязаню з польногосподарьскыма продуктами вели ку напругам меджі Польщов і Українов.

(Медвідь, TASR)