Польща планує реалізовати цїлоштатне референдум о змінї правил міґрачной і азіловой політікы, на котрій ся договорили міністры внутрїшнїх дїл членьскых країн Европской унії. Подля предбежного договору будуть мусити країны ЕУ, котры не хотять або не годни прияти становлену кількость міґрантів, приспіти сумов 20.000 евр на особу до окремо зрядженого фонду в Бруселї. Польща і Мадярьско голосовали проти тому договору. ,,З тым договором не будеме согласны мы, ани польскы люде. Дашто таке мусить быти предметом референда, котре зорґанізуєме,“ повів председа владнучой страны Право і справодливость Ярослав Каціньскі в польскім парламентї. Додав, же ,,ку тій проблемі ся мусять выразити і жытелї Польщі“.

(TASR, Шутіова)