Польскый презідент Анджей Дуда в понедільок убезпечів свого україньского колеґу Володиміра Зеленьского, же „Польща і далшы приятелі з НАТО“ підтримують пропозіцію, жебы быв Україні в близкій будучности даный Акчный план членства в НАТО. Інформовала о тім аґентура Укрінформ. Дуда на сполочнім бріфінґу зо Зеленьскым інформовав, же бісідовали і о юновім саміті НАТО, де ся буде діскутовати о вопросі „формалного становліня драгы“, на котру бы мала Україна іти, жебы досягла членство в Аліанції. Подля Дуды є членство в НАТО „фундаменталным ділом“, о котре теперь Україна боює. Убезпечів, же на тій дразі Україну підтримують Польща і „далшы приятелі з той части Европы“.

(Медвідь, ТASR)