Польща і Чеська републіка хотять вєдно просадити заказ рушаня російскых діпломатів у Шенґеньскім просторі з причіны підозріня, же беруть участь на актівностях російскых тайных служеб і саботажных операціях в Европі. Інформовав о тім денник Rzeczpospolita. Подля денника амбасадорьскы уряды часто служать як крытя про такы актівности. По минулорічных інцідентах, включно підпалячскых атак, Польща запровадила обмеджіня про рушаня російскых діпломатів і членів їх родин. Од 1-го юна 2024-го року можуть ся вольні рушати лем в рамках свого конзуларного округу і каждый выїзд мімо нього мусить быти схваленый польскым Міністерством загранічных діл.

(Медвідь, TASR)