Ізраїльскы вояци застрілили днесь в окупованім Предйорданску молодого Палестинчана. Стало ся так в день, кідь на навщіву Ізраїля прийшов шеф америцькой діпломації Міке Помпео, інформувала о тім аґентура AFP. Подля палестиньского міністерства здравотницьтва к застріленю 15-річного хлопця прийшло недалеко міста Геброн в южній часті Предйорданска. Молодого хлопця засягли до головы ізраїльскы вояци в утеченецькім лаґерї ал-Фавар. Стало ся так в часі насильности, при котрых потерпіли пораніня і дальшы четверо Палестинчане. Шеф америцькой діпломації прийшов до Ізраїля день перед наступом новой ізраїльской влады, котру вытворив довгорічный Бемйамін Нетанйагу зо своїм главным рівалом Беннім Ґанцом. Днесь ся Помпео стрітне в Єрусалемі окрім іншого з обідвома будучіми коалічныма партнерами.   (TASR, Pkf)