Предчасны парламентны вольбы в Булгарії одбудуть ся  19-го апріла. В середу то ознамила презідентка Іліана Йотова. Інформує о тім  аґентуры Reuters. Іде так уж о осьмы вольбы в країні в часі штирьох років. Одбудуть ся через резіґнацію влады Росена Желязкова по децембровых протикорупчных протестах. Йотова минулый тыждень повірила зоставліньом урядницькой влады віцеґувернера народной банкы Андрея Дюрова, котрого задачов буде країну довести к предчасным вольбам. Противладны протесты в децембрі підпорив і тогдышній презідент Румен Радев, котрый 19-го януара подав демісію, што зачало ся зо шпекулаціями, же бы міг заложыти властну політічну партію, з котров забоює в предчасных вольбах. У функції го прото вычеряла віцепрезідентка Йотова. (TASR, Пкф)