Протесты проти крайно правіцьовой партії Алтернатіва про Німецько (AfD) продовжовали і в понедільок, причім на них брали знова участь тісячі людей. Демонштрації проходять по цілім Німецьку уж веце як тыждень. Выкликало їх недавне розкрытя незалежного інвестіґатівного порталу Correctiv о тайній стрічі правіцьовых екстремістів включно высокопоставленых членів AfD, на котрій ся мало діскутовати о планах на „реміґрацію“, респектівно масовы депортації міґрантів і „неасімілованых гражданів“. Такы депортації бы подля участных мали дотуляти ся недостаточно приспособленых міґрантів включно тых, котры уж мають німецькый паспорт.

(Медвідь, TASR)