Російскый презідент Владимір Путін вчера вырішыв о зрушіню робочого вольна, котре запровадив з цільом спомалити пошырьованя коронавірусу. Люди ся до роботы могли вернути вже днесь. Інформовала о тім аґентура AFP. Рішіня, котры промысловы заряджіня ся одкрыють, зіставать на самосправных і републіковых урядах. Реґіоны будуть мочі заховати вшыткы рештрікції, котры будуть брати за потрібны. Подля Путіна треба утримати робочі місця і охоронити економіку при дотриманю строгых гіґєнічных наряджінь. Робоче вольно было запроваджене в марці. Дакотры ключовы промысловы паркы і секторы потрібны про фунґованя державы робили і почас того періоду. Росія є в кількости інфікованых коронавірусом на третім місці на світі.

(Медвідь, TASR)